ಪೊಲೀಸ್ ಮತ್ತು ಕಂದಾಯ ಇಲಾಖೆ ಅಧಿಕಾರಿ ಸಿಬ್ಬಂದಿಗಳಿಗೆ ಕಾನೂನು ಅರಿವು ಕಾರ್ಯಾಗಾರ.

    ಜಿಲ್ಲಾ ಪೊಲೀಸ್ ವತಿಯಿಂದ ಪೊಲೀಸ್ ಅಧಿಕಾರಿ, ಕಂದಾಯ ಇಲಾಖೆಯ ಅಧಿಕಾರಿ ಮತ್ತು ಸಿಬ್ಬಂದಿಗಳಿಗೆ 2 ದಿನಗಳ ‘ಕಾನೂನು ಅರಿವು ಕಾರ್ಯಾಗಾರವನ್ನು ದಿನಾಂಕ 21-9-2019 ಮತ್ತು  22-9-2019 ರಂದು ಕೊಡಗು ಜಿಲ್ಲಾ ವೈದ್ಯಕೀಯ ವಿಜ್ಞಾನ ಸಂಸ್ಥೆ ಸಭಾಂಗಣದಲ್ಲಿ  ಜಿಲ್ಲಾ ವರಿಷ್ಠಾಧಿಕಾರಿಯವರದಾದ ಡಾ: ಸುಮನ್ ಡಿ.ಪಿ., ಐಪಿಎಸ್‍ ರವರ ನೇತೃತ್ವದಲ್ಲಿ   ಆಯೋಜಿಸಲಾಗಿತ್ತು. ಈ ಕಾರ್ಯಾಗಾರವನ್ನು  ಪ್ರಧಾನ ಜಿಲ್ಲಾ ಮತ್ತು ಸತ್ರ ನ್ಯಾಯಾಧೀಶರಾದ ಶ್ರೀ ವೀರಪ್ಪ ವಿ. ಮಲ್ಲಾಪುರ್ ರವರು ಉದ್ಘಾಟಿಸಿದರು.  ಕಾರ್ಯಾಗಾರದಲ್ಲಿ ‘ ಪೊಲೀಸ್ ಸೂಪರಿಂಟೆಂಡೆಂಟ್ ರವರ ಫೇಸ್‍ ಬುಕ್‍ ಪೇಜ್‍’ ನ್ನು  ಕೊಡಗು ಜಿಲ್ಲಾಧಿಕಾರಿಯವರಾದ ಶ್ರೀಮತಿ ಅನೀಸ್ ಕಣ್ಮಣಿ ಜಾಯ್, ಐ.ಎ.ಎಸ್‍., ರವರು ಉದ್ಘಾಟಿಸಿದರು.  ಕಾರ್ಯಾಗಾರದಲ್ಲಿ ನುರಿತ ಸಂಪನ್ಮೂಲ ವ್ಯಕ್ತಿಗಳಾದ ಶ್ರೀ ಮಹೇಶ್‍ ವಿ.ವೈದ್ಯ, ಕಾನೂನು ಸಲಹೆಗಾರು, ಸಿ.ಐ.ಡಿ. ಬೆಂಗಳೂರು ಹಾಗು ಶ್ರೀ ಕೆ.ಎಸ್. ಇಂದ್ರೇಶ್, ಸರ್ಕಾರಿ ವಕೀಲರು, ಬೆಂಗಳೂರು ರವರು ಸರ್ವೋಚ್ಛ ನ್ಯಾಯಾಲಯದ ನಿರ್ದೇಶನಗಳನ್ನು ಮತ್ತು  ಕಾನೂನು ತಿದ್ದುಪಡಿಗಳ  ಬಗ್ಗೆ ಉಪನ್ಯಾಸ ನೀಡಿದರು.  ಈ ಸಂದರ್ಭದಲ್ಲಿ ವಿರಾಜಪೇಟೆ ನ್ಯಾಯಾಲಯದ ಸರ್ಕಾರಿ  ಅಭಿಯೋಜಕರಾದ ಶ್ರೀ ಡಿ. ನಾರಾಯಣ ರವರ ಶ್ಲಾಘನೀಯ ಸೇವೆವಾಗಿ ಸನ್ಮಾನಿಸಲಾಯಿತು.  ಕಾರ್ಯಾಗಾರದಲ್ಲಿ ಜಿಲ್ಲೆಯ ವಿವಿಧ ಪೊಲೀಸ್ ಠಾಣೆ ಮತ್ತು ಕಛೇರಿಗಳಿಂದ ಪೊಲೀಸ್ ಅಧಿಕಾರಿ ಮತ್ತು ಸಿಬ್ಬಂದಿಗಳು ಹಾಗು ಕಂದಾಯ ಇಲಾಖೆಯ ಅಧಿಕಾರಿ ಸಿಬ್ಬಂದಿಗಳು ಭಾಗವಹಿಸಿದ್ದರು.