Crime News

ಖೋಟಾ ನೋಟು ಚಲಾವಣೆ ಆರೋಪಿಗಳ ಬಂಧನ      

ಮಡಿಕೇರಿ ನಗರದಲ್ಲಿ ಖೋಟಾ ನೋಟು ಚಲಾವಣೆ ಪ್ರಕರಣಕ್ಕೆ ಸಂಬಂದಿಸಿದಂತೆ ಮಡಿಕೇರಿ ನಗರ ಠಾಣೆ ಪೊಲೀಸರು ಮೂವರು ಆರೋಪಿಗಳನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

ಕೊಡಗು ಜಿಲ್ಲೆಯ ಮಡಿಕೇರಿ ನಗರ ಪೊಲೀಸ್ ಠಾಣಾ ಸರಹದ್ದಿನ ಕಾಲೇಜು ರಸ್ತೆಯ ಅರುಣ್ ಮಾರ್ಕೆಟಿಂಗ್ ಕರೆನ್ಸಿ ಸೆಂಟರ್ ನಲ್ಲಿ ದಿನಾಂಕ: 10-10-2019 ರಂದು ಶ್ರೀ.ಮುಕುಂದ ಪಿ.ಡಿ. ರವರು ಕೆಲಸ ನಿರ್ವಹಿಸುತ್ತಿರುವಾಗ್ಗೆ ಸಂಜೆ ಸಮಯ ಸುಮಾರು 04.00 ಗಂಟೆಗೆ ಒಬ್ಬ ವ್ಯಕ್ತಿಯು ಏರ್ಟೆಲ್ ಕಂಪೆನಿಯ ಮೊಬೈಲ್ ಸಂಖ್ಯೆಗೆ ಕರೆನ್ಸಿ ಹಾಕುವಂತೆ ತಿಳಿಸಿ 2000/-ರೂ ಮುಖ ಬೆಲೆಯ ನೋಟನ್ನು ಕೊಟ್ಟಿದ್ದು, ಸದರಿ ನೋಟನ್ನು ನೋಡಿದಾಗ ಸಂಶಯಗೊಂಡು ನೋಟು ನಕಲಿ ನೋಟೆಂದು ಭಾವಿಸಿ ಪೊಲೀಸರಿಗೆ ಕರೆಮಾಡಿ ತಿಳಿಸಿದ ಮೇರೆಗೆ ಪೊಲೀಸರು ಸದರಿ ಕರೆನ್ಸಿ ಸೆಂಟರ್ ಗೆ ಬಂದು ಖೋಟಾ ನೋಟು ಚಲಾವಣೆ ಮಾಡಲು ಬಂದಿದ್ದ ಅಮೀರ್ ಸೋಹೈಲ್ @ ಸೋಹೈಲ್ ತಂದೆ ಅಬ್ಬೂಬಕರ್, ಪ್ರಾಯ 20 ವರ್ಷ, ಕುಂಜಿಲ ಗ್ರಾಮ, ಕಕ್ಕಬ್ಬೆ ಅಂಚೆ, ನಾಪೊಕ್ಲು, ಮಡಿಕೇರಿ ತಾಲ್ಲೂಕು, ಎಂಬುವವರನ್ನು ವಶಕ್ಕೆ ಪಡೆದು ಮಡಿಕೇರಿ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿಕೊಂಡು ತನಿಖೆ ಕೈಗೊಳ್ಳಲಾಗಿರುತ್ತದೆ.

     ಕೊಡಗು ಜಿಲ್ಲಾ ಪೊಲೀಸ್ ಅಧೀಕ್ಷಕರು ಮಡಿಕೇರಿ ಉಪ ವಿಭಾಗದ ಪೊಲೀಸ್ ಉಪಾಧೀಕ್ಷಕರ ಮಾರ್ಗದರ್ಶನದಲ್ಲಿ ಮಡಿಕೇರಿ ನಗರ ವೃತ್ತದ ವೃತ್ತ ನಿರೀಕ್ಷಕರ ನೇತೃತ್ವದಲ್ಲಿ ಸದರಿ ಪ್ರಕರಣದಲ್ಲಿನ ಉಳಿದ ಆರೋಪಿಗಳ ಪತ್ತೆ ಬಗ್ಗೆ ತಂಡವನ್ನು ರಚಿಸಿದ್ದು, ಸದರಿ ತಂಡವು ಉಳಿದ ಓರ್ವ ಆರೋಪಿಯನ್ನು ಮತ್ತು ಕಾನೂನಿನ ಸಂಘರ್ಷಕ್ಕೆ ಒಳಗಾದ ಓರ್ವ ಬಾಲಕನನ್ನು ವಶಕ್ಕೆ ಪಡೆದುಕೊಂಡು ಸದರಿಯವರುಗಳಿಂದ 2000/- ರೂ ಮುಖ ಬೆಲೆಯ ಒಟ್ಟು 05 ಖೋಟಾ ನೋಟುಗಳನ್ನು ವಶಪಡಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದೆ.

  ದಸ್ತಗಿರಿ ಮಾಡಲಾದ ಆರೋಪಿಗಳ ವಿವರ:-

1)          ಅಮೀರ್ ಸೋಹೈಲ್ ತಂದೆ ಅಬ್ಬೂಬಕರ್, ಪ್ರಾಯ 20 ವರ್ಷ, ಕುಂಜಿಲ ಗ್ರಾಮ, ಕಕ್ಕಬ್ಬೆ ಅಂಚೆ, ಮಡಿಕೇರಿ ತಾಲೂಕು.

2)          ಯೂನೀಸ್ ಯು.ವೈ. ತಂದೆ ಯೂಸೂಪ್, ಪ್ರಾಯ 20 ವರ್ಷ, ಕೂಲಿ ಕೆಲಸ, ನಾಲ್ಕೇರಿ ಗ್ರಾಮ, ಭೇತ್ರಿ ಅಂಚೆ, ವಿರಾಜಪೇಟೆ.     

ಸದರಿ ಪ್ರಕರಣವನ್ನು ಕೊಡಗು ಜಿಲ್ಲಾ ಪೊಲೀಸ್ ಅಧೀಕ್ಷಕರಾದ ಡಾ.ಸುಮನ್ ಡಿ.ಪಿ,  ಐ.ಪಿ.ಎಸ್ ರವರ ನಿರ್ದೇಶನದಂತೆ ಮಡಿಕೇರಿ ಉಪ ವಿಭಾಗದ ಪೊಲೀಸ್ ಉಪಾಧೀಕ್ಷಕರಾದ ಶ್ರೀ. ಬಿ.ಪಿ.ದಿನೇಶ್ ಕುಮಾರ್ ರವರ ಮಾರ್ಗದರ್ಶನದಲ್ಲಿ ಮಡಿಕೇರಿ ನಗರ ವೃತ್ತದ ವೃತ್ತ ನಿರೀಕ್ಷಕರಾದ ಶ್ರೀ.ಅನೂಪ್ ಮಾದಪ್ಪ ರವರ ನೇತೃತ್ವದಲ್ಲಿ ಮಡಿಕೇರಿ ನಗರ ಪೊಲೀಸ್ ಠಾಣಾ ಉಪ ನಿರೀಕ್ಷರಾದ ಶ್ರೀ. ಸದಾಶಿವ ಎಂ.ಕೆ. ಮತ್ತು ಮಡಿಕೇರಿ ನಗರ ಪೊಲೀಸ್ ಠಾಣಾ ಅಪರಾಧ ಪತ್ತೆ ಕರ್ತವ್ಯದ ಸಿಬ್ಬಂದಿಗಳಾದ ಶ್ರೀ.ಕೆ.ಕೆ.ದಿನೇಶ್, ಶ್ರೀ.ರಾಘವೇಂದ್ರ ಎ.ಟಿ. ಶ್ರೀ.ಪ್ರವೀಣ್ ಬಿ.ಕೆ., ಶ್ರೀ. ನಾಗರಾಜ್ ಕಡಗನ್ನವರ್, ಶ್ರೀ.ಶರತ್ ರೈ ಬಿ.ಜೆ, ಶ್ರೀ. ಭಾನು ಪ್ರಕಾಶ್, ಶ್ರೀ. ಶಶಿಕುಮಾರ್ ಎಲ್.ಎಸ್ ಮತ್ತು ಶ್ರೀಮತಿ ಸೌಮ್ಯ ರವರುಗಳನ್ನು ಒಳಗೊಂಡ ತಂಡವು ಜಿಲ್ಲಾ ಪೊಲೀಸ್ ಕಛೇರಿಯ ಶ್ರೀ.ರಾಜೇಶ್ ಸಿ.ಕೆ. ಮತ್ತು ಗಿರೀಶ್ ರವರ ಸಹಾಯದಿಂದ ಭೇದಿಸಿದ್ದು ಇವರ ಕಾರ್ಯವನ್ನು ಕೊಡಗು ಜಿಲ್ಲಾ ಪೊಲೀಸ್ ಅಧೀಕ್ಷಕರು ಶ್ಲಾಘಿಸಿರುತ್ತಾರೆ.

ಕೊಲೆ ಆರೋಪಿಗಳ ಬಂಧನ

ದಿನಾಂಕ: 08-10-2019 ರಂದು ಸೋಮವಾರಪೇಟೆ ತಾಲ್ಲೂಕು ಜಂಬೂರು ಗ್ರಾಮದಲ್ಲಿ ವ್ಯಕ್ತಿಯೊಬ್ಬರ ಕೊಲೆ ಪ್ರಕರಣಕ್ಕೆ ಸಂಬಂದಿಸಿದಂತೆ ಸೋಮವಾರಪೇಟೆ ಪೊಲೀಸರು ಜಿಲ್ಲಾ ಅಪರಾಧ ಪತ್ತೆದಳದ ಸಿಬ್ಬಂದಿಯವರೊಂದಿಗೆ ಪ್ರಕರಣವನ್ನು ಭೇದಿಸಿ ಆರೋಪಿಗಳನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

ದಿನಾಂಕ 08/10/2019 ರಂದು ಸೋಮವಾರಪೇಟೆ ಪೊಲೀಸ್ ಠಾಣಾ ಸರಹದ್ದಿನ ಜಂಬೂರು ಗ್ರಾಮದ ಕಾಫಿ ತೋಟದಲ್ಲಿ ಕೊಳೆತ ಸ್ಥಿತಿಯಲ್ಲಿ ಅಪರಿಚಿತ ಗಂಡಸಿನ ಮೃತದೇಹ ಪತ್ತೆಯಾಗಿದ್ದು,  ಆತನ ಕುತ್ತಿಗೆ ಹಾಗೂ ತಲೆಯ ಭಾಗಕ್ಕೆ ಯಾವುದೋ ಹರಿತವಾದ ಆಯುಧದಿಂದ ಕಡಿದು ಕೊಲೆ ಮಾಡಿ ಅದನ್ನು ಮರೆಮಾಚುವ ಉದ್ದೇಶದಿಂದ ಮೃತದೇಹವನ್ನು ಕಾಫಿ ತೋಟದೊಳಗೆ ಹಾಕಿದ ಸಂಬಂಧ ಸೋಮವಾರಪೇಟೆ ಪೊಲೀಸ್ ಠಾಣೆಯಲ್ಲಿ ಮೊ.ಸಂ. 147/2019 ಕಲಂ: 302, 201 ಐ.ಪಿ.ಸಿ., ರೀತ್ಯಾ ಪ್ರಕರಣ ದಾಖಲಾಗಿ ತನಿಖೆ ಕೈಗೊಳ್ಳಲಾಗಿತ್ತು.

ಕೊಡಗು ಜಿಲ್ಲಾ ಪೊಲೀಸ್ ಅಧೀಕ್ಷಕರು ಆರೋಪಿಗಳನ್ನು ಪತ್ತೆ ಹಚ್ಚುವ ಬಗ್ಗೆ ಸೋಮವಾರಪೇಟೆ ಪೊಲೀಸ್ ಉಪಅಧೀಕ್ಷಕರವರ ನೇತೃತ್ವದಲ್ಲಿ ರಚಿಸಿದ್ದ ಸೋಮವಾರಪೇಟೆ ವೃತ್ತ ನಿರೀಕಕ್ಷರು ಹಾಗೂ ಸಿಬ್ಬಂದಿಗಳ ತಂಡ ಇಬ್ಬರು ಆರೋಪಿಗಳನ್ನು ದಸ್ತಗಿರಿ ಮಾಡುವಲ್ಲಿ ಯಶ್ವಸ್ವಿಯಾಗಿದೆ.

ದಸ್ತಗಿರಿ ಮಾಡಲಾಗಿರುವ ಆರೋಪಿಗಳ ವಿವರ:

(1) ಕಿಶೋರ್ ಕುಮಾರ್ ತಂದೆ ಪೌತಿ ಸಿಕಂದರ್ ಷಾ ಪ್ರಾಯ: 27 ವರ್ಷ, ಟೈಲ್ಸ್ ಕೆಲಸ, ಬನಿಯಾ ಜನಾಂಗ, ವಾಸ: ವಿಜಯ್ ನಗರ ಗ್ರಾಮ,  ಬರಿಹಾರ್ ಪುರ್ ಪಿ.ಎಸ್., ಜಮಾಲ್ ಪುರ್ ತಾಲ್ಲೂಕು  ಮುಗೇರ್ ಜಿಲ್ಲೆ,  ಬಿಹಾರ ರಾಜ್ಯ.

(2) ರಾಹುಲ್ ಕುಮಾರ್ @ ಮುಖೇಶ್ ಕುಮಾರ್, ತಂದೆ ಪೌತಿ ಸಕಿಚಂದ್ರ ಷಾ,  ಪ್ರಾಯ:22 ವರ್ಷ,  ಟೈಲ್ಸ್ ಕೆಲಸ, ಬನಿಯಾ ಜನಾಂಗ,  ವಾಸ: ಮೊಜಾಹಿದ್ ಪುರ ಗ್ರಾಮ,  ಪರ್ಬತ ಅಂಚೆ ಮತ್ತು ಠಾಣಾ, ಗೋಗ್ರೀ ತಾಲ್ಲೂಕು, ಕಗಾರಿಯಾ ಜಿಲ್ಲೆ, ಬಿಹಾರ ರಾಜ್ಯ.

  ಪ್ರಕರಣಕ್ಕೆ ಸಂಬಂಧಪಟ್ಟಂತೆ ಆರೋಪಿಗಳನ್ನು ದಿನಾಂಕ 10/10/2019 ರಂದು ದಸ್ತಗಿರಿ ಮಾಡಿದ್ದು, ವಿಚಾರಣೆ ವೇಳೆಯಲ್ಲಿ  ಕೊಲೆಯಾದ ವ್ಯಕ್ತಿ ಬಿಹಾರ ಮೂಲದ ಪ್ರಾಯ 23 ವರ್ಷದ ದೀಪಕ್ ಕುಮಾರ್ ಆಗಿದ್ದು, ಈತನು ಆರೋಪಿ ಕಿಶೋರ್ ಕುಮಾರ್ ನ ತಮ್ಮನಾಗಿರುವುದಾಗಿದೆ.   ಆರೋಪಿ ಕಿಶೋರ್ ಕುಮಾರ್, ರಾಹುಲ್ ಕುಮಾರ್  @ ಮುಖೇಶ್ ಕುಮಾರ್ ಹಾಗೂ ಕೊಲೆಯಾದ ದೀಪಕ್ ಕುಮಾರ್ ರವರು ಸೋಮವಾರಪೇಟೆ ಪೊಲೀಸ್ ಠಾಣಾ ಸರಹದ್ದಿನ ಮಾದಾಪುರ ಜಂಬೂರು ಗ್ರಾಮದಲ್ಲಿ ಕೊಡಗು ಜಿಲ್ಲೆಯ ನೆರೆ ಸಂತ್ರಸ್ಥರಿಗಾಗಿ ನಿರ್ಮಿಸುತ್ತಿರುವ ಮನೆಗಳಿಗೆ ಟೈಲ್ಸ್ ಅಳವಡಿಸುವ ಕೆಲಸಕ್ಕೆ ಮೂರು ತಿಂಗಳ ಹಿಂದೆ ಬಂದಿದ್ದು, ಮೇಸ್ತ್ರೀ ಕೆಲಸ ಮಾಡುವ ವಿಚಾರದಲ್ಲಿ ದಿಲೀಪ್ ಕುಮಾರ್ ತನ್ನ ಅಣ್ಣ ಕಿಶೋರ್ ಕುಮಾರ್ ನೊಂದಿಗೆ ದಿನಾಂಕ 04/10/2019 ರ ರಾತ್ರಿ ಗಲಾಟೆ ಮಾಡಿಕೊಂಡಿರುವ  ವಿಚಾರ ಹಾಗೂ ದೀಪಕ್ ಕುಮಾರ್ ತನ್ನ ಅಣ್ಣ ಕಿಶೋರ್ ಕುಮಾರನ ಹೆಂಡತಿ ಕಿರಣ್ ದೇವಿ ಮೇಲೆ ಕಣ್ಣು ಹಾಕುತ್ತಿದ್ದ ವಿಚಾರದಲ್ಲಿ ಆರೋಪಿ ಕಿಶೋರ್ ಕುಮಾರ್ ಬೆಂಗಳೂರಿನಲ್ಲಿ ಟೈಲ್ಸ್ ಕೆಲಸ ಮಾಡಿಕೊಂಡಿದ್ದ ತನ್ನ ಇನ್ನೊಬ್ಬ ತಮ್ಮ ನೀರಜ್ ಕುಮಾರ್ ಗೆ ಪೋನ್ ಮಾಡಿ ಕರೆಸಿಕೊಂಡು ಮೂವರು ಆರೋಪಿತರು ಸೇರಿ ಸಂಚು ರೂಪಿಸಿ ದೀಪಕ್ ಕುಮಾರ್ ನನ್ನು ದಿನಾಂಕ 06/10/2019 ರ ರಾತ್ರಿ ಕತ್ತಿಯಿಂದ ಕುತ್ತಿಗೆ ಮತ್ತು ತಲೆಯ ಭಾಗಕ್ಕೆ ಕಡಿದು ಕೊಲೆ ಮಾಡಿರುವುದಾಗಿದೆ. ಪ್ರಕರಣದ ಮತ್ತೊಬ್ಬ ಆರೋಪಿ ನೀರಜ್ ಕುಮಾರ್ ತಲೆಮರೆಸಿಕೊಂಡಿದ್ದು ಈತನ ಪತ್ತೆಗಾಗಿ ಕ್ರಮ ಕೈಗೊಳ್ಳಲಾಗಿದೆ.  ಪ್ರಕರಣಕ್ಕೆ ಸಂಬಂಧಿಸಿದಂತೆ ಆರೋಪಿತರಿಂದ ಕೃತ್ಯಕ್ಕೆ ಬಳಸಿದ ಕೆಎ-51-ಈಎ-9201 ಹೊಂಡಾ ಆ್ಯಕ್ಟಿವಾ ಸ್ಕೂಟರ್ ಹಾಗೂ ಮೂರು ಮೊಬೈಲ್ ಗಳನ್ನು  ವಶಪಡಿಸಿಕೊಳ್ಳಲಾಗಿರುತ್ತದೆ.             

ಈ ಪ್ರಕರಣವನ್ನು ಮಾನ್ಯ ಕೊಡಗು ಜಿಲ್ಲಾ ಪೊಲೀಸ್ ಅಧೀಕ್ಷಕರುರವರಾದ ಡಾ.ಸುಮನ್ ಡಿ.ಪಿ,  ಐ.ಪಿ.ಎಸ್ ರವರ ಮಾರ್ಗದರ್ಶನದಲ್ಲಿ ಸೋಮವಾರಪೇಟೆ ಉಪವಿಭಾಗದ ಪೊಲೀಸ್ ಉಪಾಧೀಕ್ಷರವರ ನೇತೃತ್ವದಲ್ಲಿ, ಸೋಮವಾರಪೇಟೆ ವೃತ್ತ ನಿರೀಕ್ಷಕರಾದ ಶ್ರೀ ನಂಜುಂಡೇಗೌಡ ಮತ್ತು ಸಿಬ್ಬಂದಿಗಳು, ಸೋಮವಾರಪೇಟೆ ಪೊಲೀಸ್ ಠಾಣಾ ಪಿ.ಎಸ್.ಐ., ಶ್ರೀ ಶಿವಶಂಕರ್ ಮತ್ತು ಸಿಬ್ಬಂದಿಗಳು ಮತ್ತು ಮಡಿಕೇರಿ ಡಿ.ಸಿ.ಐ.ಬಿ., ವಿಭಾಗದ ಸಿಬ್ಬಂದಿಗಳು ಪತ್ತೆ ಹಚ್ಚಿರುತ್ತಾರೆ.  ಇವರ ಕಾರ್ಯವೈಖರಿಯನ್ನು ಕೊಡಗು ಜಿಲ್ಲಾ ಪೊಲೀಸ್ ಅಧೀಕ್ಷಕರು ಶ್ಲಾಘಿಸಿರುತ್ತಾರೆ.

ಬೈಕ್ ಡಿಕ್ಕಿ, ಪಾದಚಾರಿಗೆ ಗಾಯ

                ದಿನಾಂಕ: 10-10-2019 ರಂದು ವಿರಾಜಪೇಟೆ ತಾಲ್ಲೂಕು ಅರವತ್ತೊಕ್ಲು ಗ್ರಾಮದ ಸಾರ್ವಜನಿಕ ರಸ್ತೆಯಲ್ಲಿ ತಿತಿಮತಿ ಕರಡಿಕೊಪ್ಪ ಗ್ರಾಮದ ನಿವಾಸಿ ಅಭಿಲಾಶ್ ಎಂಬುವವರು ಕೆಎ-12-ಕೆ-3019 ರ ಬೈಕನ್ನು ಅತಿವೇಗ ಮತ್ತು ಅಜಾಗರೂಕತೆಯಿಂದ ಚಾಲನೆ ಮಾಡಿ ರಸ್ತೆ ದಾಟುತ್ತಿದ್ದ ಅರವತ್ತೊಕ್ಲು ಗ್ರಾಮದ ನಿವಾಸಿ ರವಿ ಎಂಬುವವರಿಗೆ ಡಿಕ್ಕಿಪಡಿಸಿದ ಪರಿಣಾಮ ಸದರಿ ರವಿಯವರು ಗಾಯಗೊಂಡಿದ್ದು ಈ ಬಗ್ಗೆ ಗೋಣಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ಮಾರಣಾಂತಿಕ ಹಲ್ಲೆ ಪ್ರಕರಣ

            ದಿನಾಂಕ: 09-10-2019 ರಂದು ಗೋಣಿಕೊಪ್ಪ ನಗರದ ನಿವಾಸಿ ಹೇಮಂತ್ ಕುಮಾರ್ ಎಂಬುವವರು ಅವರ ಸ್ನೇಹಿತರಾದ ಸಿದ್ದಾಪುರ ಗ್ರಾಮದ ನಿವಾಸಿಗಳಾದ ಸೂರಜ್, ಸ್ವಾದೀಶ್, ಗಲೀಲ್ ಮತ್ತು ಸಬಾಸ್ಟಿನ್ ಎಂಬುವವರೊಂದಿಗೆ ಗೋಣಿಕೊಪ್ಪ ದಸರಾ ವೀಕ್ಷಣೆಗೆ  ಹೋಗಿದ್ದಾಗ ಹೇಮಂತ್ ಕುಮಾರ್ ಮಾರಣಾಂತಿಕ ಹಲ್ಲೆಗೊಳಗಾಗಿ ಪ್ರಜ್ಞಾಹೀನ ಸ್ಥಿತಿಯಲ್ಲಿ ಆಸ್ಪತ್ತೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದು ಈ ಬಗ್ಗೆ ಗಾಯಾಳುವಿನ ತಂದೆ ನಾಗರಾಜ್ ಎಂಬುವವರು ಯಾವುದೋ ಕಾರಣಕ್ಕೆ  ಹೇಮಂತ್ ಕುಮಾರ್ ರವರ ಸ್ನೇಹಿತರೇ ಆತನ ಮೇಲೆ ಹಲ್ಲೆ ಮಾಡಿರುವ ಬಗ್ಗೆ ನೀಡಿದ ಪುಕಾರಿನ ಮೇರೆ ಗೋಣಿಕೊಪ್ಪ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ನಕಲಿ ನೋಟು ಚಲಾವಣೆ ಪ್ರಕರಣ

            ದಿನಾಂಕ: 1010-2019 ರಂದು ಮಡಿಕೇರಿ ತಾಲ್ಲೂಕು ಕುಂಜಿಲ ಗ್ರಾಮದ ನಿವಾಸಿ ಅಮೀರ್ ಸುಹೈಲ್ ಎಂಬುವವರು ಮಡಿಕೇರಿ ನಗರದ ಅರುಣ್ ಮಾರ್ಕೆಟಿಂಗ್ ಸೆಂಟರ್ ಗೆ ಹೋಗಿ ಅವರ ಮೊಬೈಲ್ ಗೆ ಕರೆನ್ಸಿ ಹಾಕಲು ಹೇಳಿ 2000 ಮುಖಬೆಲೆಯ ಖೋಟಾ ನೋಟನ್ನು ನೀಡಿದ್ದು ಈ ಬಗ್ಗೆ ಮುಕುಂದ ಎಂಬುವವರು ನೀಡಿದ ಪುಕಾರಿನ ಮೇರೆ ಮಡಿಕೇರಿ ನಗರ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಕಳವು ಪ್ರಕರಣ

            ದಿನಾಂಕ: 20-09-2019 ರಂದು ಮಡಿಕೇರಿ ತಾಲ್ಲೂಕು ತಾವೂರು ಗ್ರಾಮದ ಹನೀಫ್ ಎಂಬುವವರ ಕಾಫಿ ತೋಟದ ಕೆಲಸಗಾರರ ಲೈನ್ ಮನೆಯ ಬೀಗ ಮುರಿದು  ಮನೆಯೊಳಗಿದ್ದ 8,400 ರೂ ನಗದು ಹಣದೊಂದಿಗೆ 2 ಮೊಬೈಲ್ ಗಳನ್ನು ಅಸ್ಮಿನ ಎಂಬುವವರು ಕಳ್ಳತನ ಮಾಡಿಕೊಂಡು ಹೋಗಿದ್ದು ಈ ಬಗ್ಗೆ ತೋಟದ ರೈಟರ್ ಅಬ್ದುಲ್ಲಾ ಎಂಬುವವರು ದಿನಾಂಕ: 10-10-2019 ರಂದು ನೀಡಿದ ಪುಕಾರಿನ ಮೇರೆ ಭಾಗಮಂಡಲ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಯುವಕ ಆತ್ಮಹತ್ಯೆ

            ದಿನಾಂಕ: 09-10-2019 ರಂದು ಮಡಿಕೇರಿ ತಾಲ್ಲೂಕು ಬೆಂಗೂರು ಗ್ರಾಮದ ನಿವಾಸಿ ಜಗದೀಶ್ ಎಂಬುವವರು ವೈಯಕ್ತಿಕ ವಿಚಾರದಲ್ಲಿ ಜೀವನದಲ್ಲಿ ಜಿಗುಪ್ಸೆಗೊಂಡು ವಿಷಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿದ್ದು ಈ ಬಗ್ಗೆ ಮೃತನ ಸಹೋದರ ಗಣೇಶ್ ಎಂಬುವವರು ನೀಡಿದ ದೂರಿನ ಮೇರೆ ಭಾಗಮಂಡಲ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ವ್ಯಕ್ತಿ ಆತ್ಮಹತ್ಯೆ

            ದಿನಾಂಕ: 10-10-2019 ರಂದು ವಿರಾಜಪೇಟೆ ತಾಲ್ಲೂಕು ಕರಡಿಗೋಡು ಗ್ರಾಮದ ನಿವಾಸಿ ಶ್ರೀಧರ್ ಎಂಬುವವರು ಅನಾರೋಗ್ಯದಿಂದ ಜೀವನದಲ್ಲಿ ಜಿಗುಪ್ಸೆಗೊಂಡು ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದು ಈ ಬಗ್ಗೆ ಮೃತನ ಪತ್ನಿ ಶ್ರೀಮತಿ ರಾಧಾಮಣಿ ಎಂಬುವವರು ನೀಡಿದ ದೂರಿನ ಮೇರೆ ಸಿದ್ದಾಪುರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ನಕಲಿ ದಾಖಲೆ ಸೃಷ್ಠಿ ಪ್ರಕರಣ

            ಕೊಡಗು ಜಿಲ್ಲಾಧಿಕಾರಿಯವರ ಕಛೇರಿಯ ಹೆಸರಿನಲ್ಲಿ ನಕಲಿ ಪತ್ರವನ್ನು ಸೃಷ್ಠಿಸಿ ವಂಚನೆ ಮಾಡಿರುವ ಪ್ರಕರಣ ವರದಿಯಾಗಿರುತ್ತದೆ. ಕ್ಯಾನ್ಸರ್ ರೋಗಿಗಳ ಚಿಕಿತ್ಸೆಗೆ ಗೋಮೂತ್ರ ತಯಾರಿಕೆ ಹಾಗೂ ಸಂರಕ್ಷಣೆ ಉದ್ದೇಶಕ್ಕಾಗಿ ಗಿರ್ ತಳಿಯ ಹಸುಗಳನ್ನು ಗುಜರಾತ್ ರಾಜ್ಯದಿಂದ ಕೊಡಗು ಜಿಲ್ಲೆಗೆ ಸಾಗಾಟ ಮಾಡಲು ಸಾರಿಗೆ ಅನುಮತಿ ನೀಡುವಂತೆ ಕೋರಿ ಸಹಾಯಕ ನಿರ್ದೇಶಕರು, ಡೈರಿ ಅಭಿವೃದ್ದಿ, ಕೃಷಿ ಭವನ, ಗಾಂಧಿನಗರ ರವರ ಕಛೇರಿಗೆ ಕೊಡಗು ಜಿಲ್ಲಾಧಿಕಾರಿಯವರ ಕಛೇರಿಯಿಂದ ನೀಡಿದಂತಿದ್ದ ಪತ್ರವನ್ನು ಪರಿಶೀಲನೆಗಾಗಿ ಕಳುಹಿಸಿದ್ದನ್ನು ಪರಿಶೀಲಿಸಿದಾಗ  ಆಯುರ್ವೇದ ವೈದ್ಯರಾದ ಡಾ. ಸತ್ಯಜಿತ್ ಎಂಬುವವರು ನಕಲಿ ಸೀಲು ಬಳಸಿ ನಕಲಿ ಪತ್ರವನ್ನು ಸೃಷ್ಠಿಸಿರುವುದು ತಿಳಿದುಬಂದಿದ್ದು ಈ ಬಗ್ಗೆ ಕೊಡಗು ಜಿಲ್ಲಾಧಿಕಾರಿಯವರು ನೀಡಿದ ದೂರಿನ ಮೇರೆ ದಿನಾಂಕ: 10-10-2019 ರಂದು ಕುಶಾಲನಗರ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಕಳವು ಪ್ರಕರಣ                

ಸೋಮವಾರಪೇಟೆ  ತಾಲ್ಲೂಕು ಮುಳ್ಳುಸೋಗೆ ಗ್ರಾಮದಲ್ಲಿರುವ ಮೊಬೈಲ್‌ ಟವರ್ ಬಳಿ ಇರುವ ಜನರೇಟರ್ ಕೋಣೆಯಲ್ಲಿ ಇಟ್ಟಿದ್ದ ಎ.ಟಿ.ಸಿ ಎಂಬ ಕಂಪನಿಗೆ ಸೇರಿದ 15,000 ರೂ ಬೆಲೆಬಾಳುವ 24 ಹಳೆಯ ಬ್ಯಾಟರಿಗಳನ್ನು ಯಾರೋ ಕಳ್ಳರು ಕಳವು ಮಾಡಿಕೊಂಡು ಹೋಗಿದ್ದು ಈ ಬಗ್ಗೆ ದಿನಾಂಕ:  10-10-2019 ರಂದು ಕಂಪನಿಯ ಸೂಪರ್ ವೈಸರ್ ಚಂದ್ರಶೇಖರ್ ಎಂಬುವವರು ನೀಡಿದ ಪುಕಾರಿನ ಮೇರೆ ಕುಶಾಲನಗರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

1 2 3 528