Crime News

ಕರಿಮೆಣಸು ಕಳವು, ಪ್ರಕರಣ ದಾಖಲು:

ಸೋಮವಾರಪೇಟೆ ತಾಲೋಕು, ಸುಂಟಿಕೊಪ್ಪ ನಗರದಲ್ಲಿ ವಾಸವಾಗಿರುವ ಎಂ.ಕೆ. ಸುನೀತ್‍ ಎಂಬವರಿಗೆ ಕಲ್ಲೂರು ಗ್ರಾಮದಲ್ಲಿ ಕಾಫಿತೋಟವಿದ್ದು  ಸದರಿ ತೋಟದ ಜಾಗದಲ್ಲಿರುವ ಗೋಡೌನ್‍ನಲ್ಲಿ  ಸುಮಾರು 22 ಕ್ವಿಂಟಾಲ್ ಕರಿಮೆಣಸನ್ನು ಶೇಖರಿಸಿಟ್ಟಿದ್ದು, ದಿನಾಂಕ 3-6-2019 ರಿಂದ 21-6-2019ರ ನಡುವಿನ ಅವಧಿಯಲ್ಲಿ ಅವರು ಊರಿನಲ್ಲಿ ಇಲ್ಲದ ಸಮಯದಲ್ಲಿ ಯಾರೋ ಕಳ್ಳರು ಗೋಡೌನಿನ ಶೆಟರ್ಸ್‍ ಗೆ ಹಾಕಿದ ಬೀಗವನ್ನು ಮುರಿದು ಗೋಡೌನಿನೊಳಗೆ ಪ್ರವೇಶ ಮಾಡಿ  ಶೇಖರಿಸಿಟ್ಟ 22 ಕ್ವಿಂಟಾಲ್‍ ಕರಿಮೆಣಸಿನ ಪೈಕಿ ಅಂದಾಜು 3,84,000 ರೂ. ಮೌಲ್ಯದ 12 ಕ್ವಿಂಟಾಲ್ ಕರಿಮೆಣಸನ್ನು ಕಳ್ಳತನ ಮಾಡಿಕೊಂಡು ಹೋಗಿದ್ದು, ಈ ಸಂಬಂಧ ಎಂ.ಕೆ. ಸುನೀತ್‍ರವರು ನೀಡಿದ ದೂರಿನ ಮೇರೆಗೆ ಸುಂಟಿಕೊಪ್ಪ ಪೊಲೀಸ್‍ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

ಮಾರುತಿ ವ್ಯಾನ್ ಅಪಘಾತ, ಮಹಿಳೆ ಸಾವು:

ಗೋಣಿಕೊಪ್ಪ ಸಮೀಪದ ಕೈಕೇರಿ ಗ್ರಾಮದ ನಿವಾಸಿ ಟಿ.ಎಂ. ಸಾಬುರವರು ತನ್ನ ಪತ್ನಿಹೊಂದಿಗೆ ದಿನಾಂಕ 21-6-2019 ರಂದು ತಮ್ಮ ಬಾಪ್ತು ಮಾರುತಿ ಓಮ್ನಿ ವಾಹನದಲ್ಲಿ ತನ್ನ ತಾಯಿ ಪಾರ್ವತಿಯವರನ್ನು ಮೈಸೂರಿಗೆ ಚಿಕಿತ್ಸೆಗೆ ಕರೆದುಕೊಂಡು ಹೋಗಿ ಮೈಸೂರಿನಿಂದ ಗೋಣಿಕೊಪ್ಪದ ಕಡೆಗೆ ಬರುತ್ತಿದ್ದಾಗ ತಿತಿಮತಿಯ ಮಜ್ಜಿಗೆಹಳ್ಳ ಬಳಿ ಸಾರ್ವಜನಿಕ ರಸ್ತೆಯಲ್ಲಿ ಮಾರುತಿ ಓಮ್ನಿ ವಾಹನ ಅಪಘಾತಕ್ಕೀಡಾಗಿದ್ದು, ವಾಹನದಲ್ಲಿದ್ದ ಶ್ರೀಮತಿ ಪಾರ್ವತಿಯರಿಗೆ ಪೆಟ್ಟಾಗಿ ಅವರನ್ನು ಗೋಣಿಕೊಪ್ಪ ಆಸ್ಪತ್ರೆಗೆ ದಾಖಲು ಮಾಡಿದ್ದು, ಆಸ್ಪತ್ರೆಯಲ್ಲಿ ಸದರಿಯವರು ಮೃತಪಟ್ಟಿದ್ದು, ಗೋಣಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.  

1 2 3 425