Crime News

ದಾರಿ ತಡೆದು ಕೊಲೆ ಯತ್ನ

ದಿನಾಂಕ 17/01/2019ರಂದು ನಾಡ್ನಳ್ಳಿ ಕೊತ್ತನಹಳ್ಳಿ ನಿವಾಸಿ ಸೌಜನ್ಯ ಎಂಬವರು ಅವರ ಭಾವ ಚಂದ್ರಶೇಖರ್ ಎಂಬವರೊಂದಿಗೆ ಮಾವನಾದ ಪೊನ್ನಪ್ಪರವರ ಮನೆಗೆ ಹೋಗುತ್ತಿರುವಾಗ ದಾರಿಯಲ್ಲಿ ಸೌಜನ್ಯರವರ ಕಿರಿ ಅತ್ತೆಯ ಮಗ ಉಪೇಂದ್ರ ಎಂಬಾತನು ದಾರಿ ತಡೆದು ಜಾಗದ ವಿಚಾರವಾಗಿ ಜಗಳವಾಡಿ ಸೌಜನ್ಯರವರನ್ನು ಕುರಿತು ಕೊಲ್ಲುವುದಾಗಿ ಬೆದರಿಸಿ ಕೈಯಲ್ಲಿದ್ದ ಕೋವಿಯಿಂದ ಗಾಳಿಯಲ್ಲಿ ಗುಂಡು ಹಾರಿಸಿರುವುದಾಗಿ ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ರಸ್ತೆ ಅಪಘಾತ

ದಿನಾಂಕ 14/01/2019ರಂದು ಕುಶಾಲನಗರ ಬಳಿಯ ಕೂಡ್ಲೂರು ನಿವಾಸಿ ಶಿವಣ್ಣ ಎಂಬವರ ಭಾವ ಸ್ವಾಮಿ ಗೌಡ ಎಂಬವರು ಕೂಡ್ಲೂರು ಕೈಗಾರಿಕಾ ಬಡಾವಣೆಯ ರಸ್ತೆಯ ಬದಿಯಲ್ಲಿ ನಡೆದುಕೊಂಡು ಹೋಗುತ್ತಿರುವಾಗ ಕುಶಾಲನಗರದ ಕಡೆಯಿಂದ ಕೆಎಲ್-72-ಎ-4770ರ ಬೈಕನ್ನು ಅದರ ಚಾಲಕ ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಸ್ವಾಮಿಗೌಡರವರಿಗೆ ಡಿಕ್ಕಿಪಡಿಸಿದ ಪರಿಣಾಮ ಸ್ವಾಮಿಗೌಡರವರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಕುಶಾಲನಗರ ಸಂಚಾರಿ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಹಲ್ಲೆ ಪ್ರಕರಣ

ದಿನಾಂಕ 15/01/2019ರಂದು ಸೋಮವಾರಪೇಟೆ ಬಳಿಯ ತೋಳೂರು ಶೆಟ್ಟಳ್ಳಿ ಗ್ರಾಮದ ನಿವಾಸಿ ಟಿ.ಡಿ.ಸುಧಾಕರ ಎಂಬವರ ತಾಯಿ ನೀರು ತರಲು ನಲ್ಲಿಯ ಬಳಿ ಹೋದಾಗ ಅಲ್ಲಿ ನೀರಿನ ವಿಚಾರವಾಗಿ ಪ್ರಸನ್ನ ಮತ್ತು ಮಂಜು ಎಂಬವರು ಜಗಳವಾಡುತ್ತಿದ್ದು ಪ್ರಸನ್ನನು ಸುಧಾಕರರವರ ತಾಯಿಯ ಕೈಯಲ್ಲಿದ್ದ ಬಿಂದಿಗೆಯನ್ನು ಕಿತ್ತುಕೊಂಡು ಒಡೆದು ಹಾಕಿದುದನ್ನು ಸುಧಾಕರವರು ಪ್ರಶ್ನಿಸಿದ ಕಾರಣಕ್ಕೆ ಪ್ರಸನ್ನನು ಸುಧಾಕರವರ ಮೇಲೆ ಹಲ್ಲೆ ಮಾಡಿ ಗಾಯಗೊಳಿಸಿರುವುದಾಗಿ ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ರಸ್ತೆ ಅಪಘಾತ

ದಿನಾಂಕ 14/01/2019ರಂದು ಶನಿವಾರಸಂತೆ ಬಳಿಯ ಗೋಪಾಲಪುರ ನಿವಾಸಿ ಕುಮಾರ ಎಂಬವರ ಮಗ ತೀರ್ಥನ್ ಎಂಬ ಬಾಲಕನು ರಸ್ತೆಯನ್ನು ದಾಟುತ್ತಿದ್ದಾಗ ಶನಿವಾರಸಂತೆ ಕಡೆಯಿಂದ ಕಿರಣ್ ಕುಮಾರ್ ಎಂಬಾತನು ಒಂದು ಬೈಕನ್ನು ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ತೀರ್ಥನ್‌ಗೆ ಡಿಕ್ಕಿಪಡಿಸಿದ ಪರಿಣಾಮ ತೀರ್ಥನ್‌ಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಶನಿವಾರಸಂತೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

1 3 4 5 6 7 282