Crime News

ಹಲ್ಲೆ ಪ್ರಕರಣ

ದಿನಾಂಕ: 22-11-2020 ರಂದು ಸೋಮವಾರಪೇಟೆ ತಾಲ್ಲೂಕು ಹಾನಗಲ್ಲು ಗ್ರಾಮದ ನಿವಾಸಿ ಯೋಗೇಶ ಎಂಬುವವರಿಗೆ ಚೌಡ್ಲು ಗ್ರಾಮದ ನಿವಾಸಿ ಅಕ್ಷಯ ಎಂಬುವವರು ಕ್ಷುಲ್ಲಕ ಕಾರಣಕ್ಕೆ ದೊಣ್ಣೆಯಿಂದ ಹಲ್ಲೆ ಮಾಡಿ ನೋವುಪಡಿಸಿದ್ದು ಈ ಬಗ್ಗೆ ನೀಡಿದ ಪುಕಾರಿನ ಮೇರೆ ಸೋಮವಾರಪೇಟೆ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

 ಬೈಕ್‍ ಡಿಕ್ಕಿ, ಪಾದಚಾರಿ ಸಾವು.

ದಿನಾಂಕ: 24-11-2020 ರಂದು ಕುಶಾಲನಗರ ಪಟ್ಟಣದ ಎಸ್‍.ಬಿ.ಐ ಬ್ಯಾಂಕ್‍ ಬಳಿ ಹೆದ್ದಾರಿ ರಸ್ತೆಯಲ್ಲಿ ಕೆಎ-45-ಯು-0198 ರ ಬೈಕನ್ನು ಅದರ ಸವಾರ ಸಮೀನ್‍ ಷಾ ಎಂಬುವವರು ಅತಿವೇಗ ಮತ್ತು ಅಜಾಗರೂಕತೆಯಿಂದ ಚಾಲನೆ ಮಾಡಿಕೊಂಡು ಹೋಗಿ ರಸ್ತೆ ಬದಿಯಲ್ಲಿ ನಡೆದುಕೊಂಡು ಹೋಗುತ್ತಿದ್ದ ರಶೀದ್‍ ಖಾನ್‍ ಎಂಬುವವರಿಗೆ ಡಿಕ್ಕಿಪಡಿಸಿದ ಪರಿಣಾಮ ಗಾಯಗೊಂಡವರನ್ನು ಚಿಕಿತ್ಸೆಗೆ ಕರೆದುಕೊಂಡು ಹೋಗುವಾಗ ಮೃತಪಟ್ಟಿದ್ದು ಈ ಬಗ್ಗೆ ಶಫೀಉಲ್ಲಾ ಎಂಬುವವರು ನೀಡಿದ ಪುಕಾರಿನ ಮೇರೆ ಕುಶಾಲನಗರ ಸಂಚಾರ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

 ರಸ್ತೆ ಅಪಘಾತದಲ್ಲಿ ಗಾಯಗೊಂಡಿದ್ದ ವ್ಯಕ್ತಿ ಸಾವು.

ದಿನಾಂಕ: 19-11-2020 ರಂದು ಸೋಮವಾರಪೇಟೆ ತಾಲ್ಲೂಕು ಸೀಗೆಹೊಸೂರು ಗ್ರಾಮದ ಬಳಿ ಸಾರ್ವಜನಿಕ ರಸ್ತೆಯಲ್ಲಿ ಕೆಎ-12-ಎಸ್‍-8668 ರ ಬೈಕನ್ನು ಸವಾರ ದಿವಾಕರ್ ಎಂಬುವವರು ಅತಿವೇಗ ಮತ್ತು ಅಜಾರೂಕತೆಯಿಂದ ಚಾಲನೆ ಮಾಡಿದ ಪರಿಣಾಮ ಹಿಂಬಂದಿ ಸವಾರ ಪ್ರಭಾಕರ್‍ ಎಂಬುವವರು ರಸ್ತೆಗೆ ಬಿದ್ದು ಗಾಯಗೊಂಡು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು. ಚಿಕಿತ್ಸೆ ಫಲಕಾರಿಯಾಗದೇ ದಿನಾಂಕ: 24-11-2020 ರಂದು ಪ್ರಭಾಕರ್‍ ರವರು ಮೃತಪಟ್ಟಿದ್ದು ಈ ಬಗ್ಗೆ ಕುಶಾಲನಗರ ಗ್ರಾಮಾಂತರ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

 ಹಲ್ಲೆ ಪ್ರಕರಣ

ದಿನಾಂಕ: 23-11-2020 ರಂದು ಮಡಿಕೇರಿ ತಾಲ್ಲೂಕು ಅಯ್ಯಂಗೇರಿ ಗ್ರಾಮದ ನಿವಾಸಿಗಳಾದ ಅಸ್ಗರ್, ನಾಸೀರ್, ಮುತಾಲಿಬ್, ಮನ್ಸೂರ್, ಶಕೀರ್, ಯೂಸುಫ್, ಮೊಯ್ದೀನ್, ಇಸಾಕ್ ಮತ್ತು ಶಾಫಿ, ಇರ್ಷಾದ್‍, ಜಲೀಲ್, ರಹಿಮಾನ್‍, ಸಲಾವುದ್ದೀನ್, ರಿಯಾಜ್, ಮನ್ಸೂರ್, ಬಾದುಶ, ಅಜ್ಮಲ್, ಅಸ್ಗರ್, ರಶೀದ್‍, ನೌಷದ್‍ ಎಂಬುವವರ ನಡುವೆ ಗ್ರಾಮದ ಮೈದಾನದಲ್ಲಿ ಆಟವಾಡುವ ವಿಚಾರದಲ್ಲಿ ವೈಷಮ್ಯದಿಂದ ವಾಹನಗಳಲ್ಲಿ ಮೈದಾನಕ್ಕೆ  ಹೋಗಿ ಪರಸ್ಪರ ಹಲ್ಲೆ ಮಾಡಿಕೊಂಡು ಕೊಲೆ ಬೆದರಿಕೆ ಹಾಕಿದ್ದು ಈ ಬಗ್ಗೆ ಉಭಯ ಕಡೆಯವರು ನೀಡಿದ ಪುಕಾರಿನ ಮೇರೆ ಭಾಗಮಂಡಲ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

 ಆನ್‍ಲೈನ್‍ ವಂಚನೆ ಪ್ರಕರಣ

ದಿನಾಂಕ: 09-11-20-20 ರಂದು ಕುಶಾಲನಗರ ರಥಬೀದಿ ನಿವಾಸಿ ಜನಾರ್ಧನ ರಾವ್‍ ಎಂಬುವವರು ಗೂಗಲ್‍ ಮುಖಾಂತರ ಆನ್‍ಲೈನ್‍ನಲ್ಲಿ ಸಿಮೆಂಟ್‍ ಡೀಲರ್‍ ಶಿಪ್‍ ಬಗ್ಗೆ ಹುಡುಕಾಟ ನಡೆಸಿದ್ದರು. ಅದೇ ದಿನ 7074145778 ನಂಬರ್ ನಿಂದ ದೂರವಾಣಿ ಕರೆ ಮಾಡಿದ ವ್ಯಕ್ತಿಯೊಬ್ಬ ಕೋರಮಂಡಲ್‍ ಸಿಮೆಂಟ್‍ ಡೀಲರ್ ಕಂಪನಿ ಎಂದು ಹೇಳಿ ಸಿಮೆಂಟ್‍ ಕಳುಹಿಸಲು ಹಣ ಪಾವತಿಸಲು ತಿಳಿಸಿದ್ದು, ಅದರಂತೆ ಆತನು ನೀಡಿದ ಬ್ಯಾಂಕ್‍ ಖಾತೆ ಗೆ ರೂ, 1,59,000 ಹಣವನ್ನು ವರ್ಗಾವಣೆ ಮಾಡಿರುತ್ತಾರೆ. ನಂತರ ಕಂಪನಿಯಿಂದ ಸಿಮೆಂಟ್‍ ಬಂದಿರುವುದಿಲ್ಲ. ಈ ಬಗ್ಗೆ ವಿಚಾರಿಸಲು ಫೋನ್‍ ಕರೆ ಮಾಡಿದಾಗ ಸ್ವಿಚ್‍ ಆಫ್‍ ಆಗಿದ್ದು , ಈ ಬಗ್ಗೆ ದಿನಾಂಕ: 24-11-2020 ರಂದು ನೀಡಿದ ಪುಕಾರಿನ ಮೇರೆ ಕೊಡಗು ಸೈಬರ್ ಅಪರಾಧ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

 ಅಕ್ರಮ ಗಾಂಜಾ ಸಾಗುವಳಿ ಪ್ರಕರಣ

ದಿನಾಂಕ: 24-11-2020 ರಂದು ವಿರಾಜಪೇಟೆ ತಾಲ್ಲೂಕು ಅತ್ತೂರು ಗ್ರಾಮದ ನಿವಾಸಿ ಕಾಯಪಂಡ ಬೋಪಣ್ಣ ಎಂಬುವವರು ಅವರ ಮನೆಯ ಪಕ್ಕದ ಜಾಗದಲ್ಲಿ ಅಕ್ರಮವಾಗಿ ಗಾಂಜಾ ಗಿಡಗಳನ್ನು ಬೆಳೆದಿದ್ದ ಪ್ರಕರಣವನ್ನು ಗೋಣಿಕೊಪ್ಪ ಠಾಣೆ ಪಿ.ಎಸ್‍.ಐ ಸುಬ್ಬಯ್ಯ ಮತ್ತು ಸಿಬ್ಬಂದಿಯವರು ಪತ್ತೆ ಮಾಡಿ ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಅಕ್ರಮ ಮದ್ಯ ಮಾರಾಟ ಪ್ರಕರಣ

ದಿನಾಂಕ: 24-11-2020 ರಂದು ವಿರಾಜಪೇಟೆ ತಾಲ್ಲೂಕು ಹೆಗ್ಗಳ ಗ್ರಾಮದ  ನಿವಾಸಿ ಸುರೇಶ್‍ ಎಂಬುವವರು ಬಸ್‍ ತಂಗುದಾಣದ ಬಳಿ ಸಾರ್ವಜನಿಕ ಸ್ಥಳದಲ್ಲಿ  ಅಕ್ರಮವಾಗಿ ಸಾರ್ವಜನಿಕರಿಗೆ ಸೇವನೆಗೆ ಅವಕಾಶ ಮಾಡುತ್ತಿದ್ದ ಪ್ರಕರಣವನ್ನು ವಿರಾಜಪೇಟೆ ಗ್ರಾಮಾಂತರತ ಠಾಣೆ ಎಎಸ್‍ಐ ಶ್ರೀಧರ್ ಮತ್ತು ಸಿಬ್ಬಂದಿಯವರು ಪತ್ತೆ ಮಾಡಿ ಪ್ರಕರಣ ದಾಖಲಿಸಿ ಕಾನೂನು ಕ್ರಮ ಜರುಗಿಸಿದ್ದಾರೆ.