Crime News

ಕೊಡಗು ವೈದ್ಯಕೀಯ ಕಾಲೇಜಿನ ಕಾರ್ಮಿಕರ ಮೊಬೈಲ್ ಕಳ್ಳತನ ಮಾಡಿದ್ದ ಪ್ರಕರಣವನ್ನು ಮಡಿಕೇರಿ ಗ್ರಾಮಾಂತರ ಠಾಣೆ ಪೊಲೀಸರು ಪತ್ತೆ ಮಾಡಿ ಇಬ್ಬರು ಆರೋಪಿಗಳನ್ನು ಬಂಧಿಸಿದ್ದಾರೆ.

ದಿನಾಂಕ: 30-12-.2020 ರಂದು ರಾತ್ರಿ ಕೊಡಗು ವೈದ್ಯಕೀಯ ಕಾಲೇಜಿನ ಕಾರ್ಮಿಕರು ತಂಗುವ ಶೆಡ್ ನಿಂದ ಸುಭಾಷ್, ಜಿತ್ತು ಮಲ್ಲಿಕ್, ಮುನ್ನ ಗುಪ್ತ ಎಂಬುವವರ ಒಟ್ಟು ₹. 24,500 ಮೌಲ್ಯದ ಮೂರು ಮೊಬೈಲ್ ಫೋನ್ ಗಳನ್ನು ಯಾರೋ ಕಳ್ಳರು ಕಳವು ಮಾಡಿಕೊಂಡು ಹೋಗಿದ್ದು ಈ ಬಗ್ಗೆ ನೀಡಿದ ಪುಕಾರಿನ ಮೇರೆ ಮಡಿಕೇರಿ ಗ್ರಾಮಾಂತರ ಠಾಣೆ ಪೊಲಿಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದರು.

ಮಡಿಕೇರಿ ಗ್ರಾಮಾಂತರ ಠಾಣೆ ಅಪರಾಧ ವಿಭಾಗದ ಪಿ.ಎಸ್.ಐ ಸದಾಶಿವ ಮತ್ತು ಸಿಬ್ಬಂದಿಯವರು ತನಿಖೆ ಕೈಗೊಂಡು ಪ್ರಕರಣದ ಆರೋಪಿಗಳಾದ (1). ಅಬ್ದುಲ್ ಖಾದರ್ ತಂದೆ ಉಮ್ಮರತ್ತಿ, ಪ್ರಾಯ: 24 ವರ್ಷ, ಆಟೋ ಚಾಲಕ, ಉಕ್ಕಡ ರಸ್ತೆ, ಆಜಾದ್ ನಗರ ಮಡಿಕೇರಿ ನಗರ, ಮತ್ತು (2). ಮಿತ್ತಾದ್ ಎಂ.ಇ ತಂದೆ ವಾಜೀದ್, ಪ್ರಾಯ: 26 ವರ್ಷ, ಸೆಂಟ್ರಿಂಗ್ ಕೆಲಸ, ರಾಜರಾಜೇಶ್ವರಿ ನಗರ, ಮಡಿಕೇರಿ ಎಂಬುವವರನ್ನು ದಸ್ತಗಿರಿ ಮಾಡಿ ಕಳವು ಮಾಡಿದ್ದ ಮೊಬೈಲ್ ಫೋನ್ ಗಳನ್ನು ವಶಕ್ಕೆ ಪಡೆದುಕೊಂಡು ಆರೋಪಿಗಳನ್ನು ನ್ಯಾಯಾಂಗ ಬಂಧನಕ್ಕೆ ಒಳಪಡಿಸಿರುತ್ತಾರೆ.

ಈ ಪ್ರಕರಣದ ಪತ್ತೆ ಕಾರ್ಯದಲ್ಲಿ ಮಡಿಕೇರಿ ಗ್ರಾಮಾಂತರ ಠಾಣೆ ಅಪರಾಧ ವಿಭಾಗದ ಪಿಎಸ್ಐ ಸದಾಶಿವ ರವರ ನೇತೃತ್ವದಲ್ಲಿ ಸಿಬ್ಬಂದಿಯವರಾದ ಮಂಜುನಾಥ್, ರವಿಕುಮಾರ್, ಸೋಮಶೇಖರ್ ಸಜ್ಜನ್ ರವರು ಪಾಲ್ಗೊಂಡಿದ್ದರು. ಪೊಲೀಸರ ತನಿಖಾ ಕಾರ್ಯವನ್ನು ಶ್ಲಾಘಿಸಲಾಗಿದೆ.

ಆನ್‍ಲೈನ್‍ ವಂಚನೆ ಪ್ರಕರಣ

ದಿನಾಂಕ: 03.12.2020 ರಿಂದ 18.12.2020 ರ ನಡುವಿನ ದಿನಗಳಲ್ಲಿ ಸೋಮವಾರಪೇಟೆ ತಾಲ್ಲೂಕು ಸುಂಟಿಕೊಪ್ಪ ಹರದೂರು ಎಸ್ಟೇಟ್‍ ನಿವಾಸಿ ಕುಮಾರ್‍ ಎಂಬುವವರ ಬ್ಯಾಂಕ್‍ ಖಾತೆಯಿಂದ ಅವರಿಗೆ ತಿಳಿಯದಂತೆ ಯಾರೋ ಅಪರಿಚಿತರು ₹. 35 ಲಕ್ಷ ಹಣವನ್ನು ಆನ್‍ಲೈನ್‍ ವಹಿವಾಟು ಮೂಲಕ ತೆಗೆದು ವಂಚನೆ ಮಾಡಿದ್ದು ಈ ಬಗ್ಗೆ ದಿನಾಂಕ: 04-01-2021 ರಂದು ನೀಡಿದ ಪುಕಾರಿನ ಮೇರೆ ಕೊಡಗು ಸೈಬರ್‍ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ರಸ್ತೆ ಅಪಘಾತ ಪ್ರಕರಣ

ದಿನಾಂಕ: 03.01.2021 ರಂದು ಸಿದ್ದಾಪುರ ಮಡಿಕೇರಿ ಮುಖ್ಯ ರಸ್ತೆಯ ನೆಲ್ಲಿಹುದಿಕೇರಿ ಬಳಿ ಕೆಎ-12-ಜೆ-2866 ರ ಬೈಕನ್ನು ಅದರ ಸವಾರ ಅಂಥೋಣಿ ರಾಜು ಎಂಬುವವರು ಅತಿವೇಗ ಮತ್ತು ಅಜಾಗರೂಕತೆಯಿಂದ ಚಾಲನೆ ಮಾಡಿಕೊಂಡು ಹೋಗಿ ಕೆಎ-41-ಇಸಿ-7764 ರ ಸ್ಕೂಟರ್‍ಗೆ ಡಿಕ್ಕಿಪಡಿಸಿದ ಪರಿಣಾಮ ಸ್ಕೂಟರ್‍ ಸವಾರರು ಬಿದ್ದು ಗಾಯಗೊಂಡಿದ್ದು ಈ ಬಗ್ಗೆ ಸೀನ ಎಂಬುವವರು ನೀಡಿದ ಪುಕಾರಿನ ಮೇರೆ ಸಿದ್ದಾಪುರ  ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಅಕ್ರಮ ಗಾಂಜಾ ಪ್ರಕರಣ

ದಿನಾಂಕ: 04-01-2021 ರಂದು ಗೋಣಿಕೊಪ್ಪ ಆರ್‍.ಎಂ.ಸಿ ಬಳಿ ಅಕ್ರಮವಾಗಿ ಮಾರಾಟ ಮಾಡಲು ಕೆಎ-12-ಎ-6183 ರ ಆಟೋ ರಿಕ್ಷಾದಲ್ಲಿ ಅಕ್ರಮವಾಗಿ ಗಾಂಜಾ ಸಾಗಾಟ ಮಾಡುತ್ತಿದ್ದ ಪ್ರಕರಣವನ್ನು ಗೋಣಿಕೊಪ್ಪ ಠಾಣೆ ಪಿಎಸ್‍ಐ ಮಂಚಯ್ಯ ಮತ್ತು ಸಿಬ್ಬಂದಿಯವರು ಪತ್ತೆ ಮಾಡಿ ವಿ.ಎಸ್‍.ಗುರುದತ್‍ ಎಂಬುವವರ ವಿರುದ್ದ ಪ್ರಕರಣ ದಾಖಲಿಸಿ ಕಾನೂನು ಕ್ರಮ ಕೈಗೊಂಡಿದ್ದಾರೆ.