Crime News

ಹಲ್ಲೆ ಯತ್ನ, ಕೊಲೆ ಬೆದರಿಕೆ

ಕೊಡ್ಲಿಪೇಟೆ ಬಳಿಯ ಊರುಗುತ್ತಿ ಗ್ರಾಮದ ನಿವಾಸಿ ಯು.ಸಿ.ಪರಮೇಶ ಎಂಬವರು ದಿನಾಂಕ 04/03/2021ರಂದು ನಂದೀಪುರ ಗ್ರಾಮದ ಬಳಿ ರಸ್ತೆಯಲ್ಲಿ ನಡೆದುಕೊಂಡು ಹೋಗುತ್ತಿರುವಾಗ ಮಲ್ಲಳ್ಳಿ ಕಡೆಯಿಂದ ದೊಡ್ಡ ಕುಂದ ಗ್ರಾಮದ ತೇಜ ಕುಮಾರ್‌ ಎಂಬವರು ಕಾರಿನಲ್ಲಿ ಬಂದು ಹಳೆಯ ವೈಷಮ್ಯದಿಂದ ಜಗಳ ತೆಗೆದು ಪರಮೇಶರವರನ್ನು ಅಶ್ಲೀಲ ಶಬ್ದಗಳಿಂದ ನಿಂದಿಸಿ ಕಾರಿನಿಂದ ಕತ್ತಿಯನ್ನು ತೆಗೆದು ಹಲ್ಲೆ ಮಾಡಲು ಮುಂದಾಗಿದ್ದು ಕೊಲೆ ಬೆದರಿಕೆ ಹಾಕಿರುವುದಾಗಿ ನೀಡಿದ ದೂರಿನ ಮೇರೆಗೆ ಶನಿವಾರಸಂತೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಹಲ್ಲೆ ಪ್ರಕರಣ

ದಿನಾಂಕ 09/03/2021ರಂದು ಬೆಂಗಳೂರಿನಲ್ಲಿ ವಾಸವಿರುವ ಆಶಾ ಕೇಶವರಾವ್‌ ಎಂಬವರು ವಿರಾಜಪೇಟೆಗೆ ಬಂದಿದ್ದ ಸಮಯದಲ್ಲಿ ಸಂಜೆ ವೇಳೆ ತೆಲುಗರ ಬೀದಿಯಲ್ಲಿ ಅವರ ಅಣ್ಣ ಉಮೇಶ್‌ ಕುಮಾರ್‌ ಹಾಗೂ ಅವರ ಪತ್ನಿ ಲಕ್ಷ್ಮಿ ಎಂಬವರು ಆಶಾರವರೊಂದಿಗೆ ಹಳೆಯ ವೈಷಮ್ಯದಿಂದ ಜಗಳವಾಡಿ ಹಲ್ಲೆ ಮಾಡಿ ಕೊಲೆ ಬೆದರಿಕೆ ಹಾಕಿರುವುದಾಗಿ ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ನಗರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.