Crime News updates

ಹಲ್ಲೆ ಪ್ರಕರಣ

ದಿನಾಂಕ 06/02/2021ರಂದು ಸಂಜೆ ವೇಳೆ ಮಡಿಕೇರಿ ಬಳಿಯ ಇಬ್ನಿವಳವಾಡಿ ಗ್ರಾಮದ ಬೋಯಿಕೇರಿ ನಿವಾಸಿ ರಂಜಿತ್‌ ಎಂಬವರು ಅವರು ಚಾಲಿಸುತ್ತಿದ್ದ ಟೆಂಪೋ ಟ್ರಾವೆಲರ್‌ ವಾಹನದಲ್ಲಿ ಆಲೂರು ಸಿದ್ದಾಪುರದಿಂದ ಬರುತ್ತಿರುವಾಗ ಬೋಯಿಕೇರಿ ಬಳಿ ಅಫ್ರಿದಿ ಮತ್ತು ಇನ್ನಿತರರು ಬೈಕಿನಲ್ಲಿ ಬಂದು ರಂಜಿತ್‌ರವರ ವಾಹನವನ್ನು ಅಡ್ಡಗಟ್ಟಿ ವಾಹನದಲ್ಲಿದ್ದ ರಂಜಿತ್‌, ಮಂಜುನಾಥ ಮತ್ತು ರಾಜೇಶ್‌ ಎಂಬವರ ಮೇಲೆ ದೊಣ್ಣೆಯಿಂದ ಹೊಡೆದು ಹಲ್ಲೆ ಮಾಡಿರುವುದಾಗಿ ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಮರದ ಕೊಂಬೆ ಬಿದ್ದು ವ್ಯಕ್ತಿ ಸಾವು

ದಿನಾಂಕ 06/02/2021ರಂದು ಸೋಮವಾರಪೇಟೆ ಬಳಿಯ ನೇಗಳೆ ಗ್ರಾಮದ ನಿವಾಶಿ ಪ್ರದೀಪ್‌ ಎಂಬವರು ಅದೇ ಗ್ರಾಮದ ನಿವಾಸಿ ರಮೇಶ್‌ ಎಂಬವರ ಗದ್ದೆಯಲ್ಲಿ ಜೆಸಿಬಿ ಯಂತ್ರದಲ್ಲಿ ಕೆಲಸ ಮಾಡುತ್ತಿರುವಾಗ ಮರದ ಕೊಂಬೆ ಬಿದ್ದು ಮೃತರಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ರಸ್ತೆ ಅಪಘಾತ

ದಿನಾಂಕ 06/02/2021ರಂದು ಗೋಣಿಕೊಪ್ಪ ಠಾಣಾ ವ್ಯಾಪ್ತಿಯ ತಿತಿಮತಿ ಗ್ರಾಮದ ಸಾರ್ವಜನಿಕ ರಸ್ತೆಯಲ್ಲಿ ದೇವರಪುರ ನಿವಾಸಿ ಪೆರುಮಾಳ್‌ ಎಂಬವರು ರಸ್ತೆ ದಾಟುತ್ತಿದ್ದಾಗ ಕೆಎಲ್‌-55-ಎಬಿ-2818ರ ಕಾರನ್ನು ಅದರ ಚಾಲಕ ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ರಸ್ತೆ ದಾಟುತ್ತಿದ್ದ ಪೆರುಮಾಳ್‌ರವರಿಗೆ ಡಿಕ್ಕಿಪಡಿಸಿದ ಪರಿಣಾಮ ಪೆರುಮಾಳ್‌ರವರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಗೋಣಿಕೊಪ್ಪ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಹಲ್ಲೆ ಪ್ರಕರಣ

ದಿನಾಂಕ 06/02/2021ರಂದು ವಿರಾಜಪೇಟೆ ನಗರದ ದೊಡ್ಡಟ್ಟಿ ಚೌಕಿಯಲ್ಲಿರುವ ಮದ್ಯದಂಗಡಿಗೆ ಮದ್ಯ ಖರೀದಿಗೆಂದು ಬಂದ ಪಿ.ವಿ. ಶಿಬು ಎಂಬವರೊಂದಿಗೆ ಅಲ್ಲಿಗೆ ಬಂದ ಮೀನುಪೇಟೆ ವಾಸಿ ಸುರೇಶ ಎಂಬವರು ಮದ್ಯ ಕೊಡಿಸುವಂತೆ ಕೇಳಿ ಶಿಬುರವರು ನಿರಾಕರಿಸಿದ ಕಾರಣಕ್ಕೆ ಸುರೇಶರವರು ಶಿಬುರವರ ಮೇಲೆ ಗಾಜಿನ ಲೋಟದಿಂದ ಹೊಡೆದು ಹಲ್ಲೆ ಮಾಡಿರುವುದಾಗಿ ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ನಗರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.