Crime News

ಕಳವು ಪ್ರಕರಣ ಪತ್ತೆ ,ಆರೋಪಿಗಳ ಬಂಧನ.

ಕಟ್ಟಡ ನಿರ್ಮಾಣ ಕಾಮಗಾರಿಗೆ ಉಪಯೋಗಿಸುವ ಕಬ್ಬಿಣದ ಶೀಟ್ ಕಳ್ಳತನ ಪ್ರಕರಣವನ್ನು ಪತ್ತೆ ಮಾಡಿ ನಾಲ್ವರು ಆರೋಪಿಗಳನ್ನು ಬಂಧಿಸುವಲ್ಲಿ ಮಡಿಕೇರಿ ನಗರ ಠಾಣೆ ಪೊಲೀಸರು ಯಶಸ್ವಿಯಾಗಿದ್ದಾರೆ.

ಮಡಿಕೇರಿ ನಗರದ ಮುತ್ತಪ್ಪ ದೇವಾಲಯದ ಬಳಿಯಿಂದ ಹಾಗೂ ಅಬ್ದುಲ್ ಕಲಾಂ ಲೇಔಟ್ನ ಹೊಸ ಕಟ್ಟಡ ನಿರ್ಮಾಣ ಸ್ಥಳದಿಂದ ಕಟ್ಟಡ ನಿರ್ಮಾಣ ಕಾಮಗಾರಿಗೆ ಉಪಯೋಗಿಸುವ 230 ಕಬ್ಬಿಣದ ಶೀಟ್ ಗಳು ಕಳುವಾಗಿರುವ ಬಗ್ಗೆ ಸಾರ್ವಜನಿಕರೊಬ್ಬರು ನೀಡಿದ ಪುಕಾರಿನ ಮೇರೆ ಮಡಿಕೇರಿ ನಗರ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದರು,

ಮಡಿಕೇರಿ ನಗರ ವೃತ್ತ ನಿರೀಕ್ಷಕರ ನೇತೃತ್ವದ ತಂಡ ತನಿಖೆ ಕೈಗೊಂಡು ಆರೋಪಿಗಳಾದ ಮಡಿಕೇರಿ ನಗರದ ರಾಜರಾಜೇಶ್ವರಿ ನಗರ ನಿವಾಸಿ ಮಿಕ್ ತ್ವಾದ್ ತಂದೆ ವಾಜೀದ್, ಆಜಾದ್ ನಗರ ನಿವಾಸಿ ಖಾದರ್ ಎಂ.ಯು ತಂದೆ ಉಮ್ಮರಬ್ಬ, ಹೆಬ್ಬೆಟಗೇರಿ ನಿವಾಸಿ ಪವನ್ ಸಿ.ಟಿ ತಂದೆ ತಮ್ಮಯ್ಯ, ಮಕಾನ್ ಗಲ್ಲಿ ನಿವಾಸಿ ಜುಲ್ಫಿಕರ್ ತಂದೆ ಇಬ್ರಾಹಿಂ ಎಂಬುವವರನ್ನು ದಸ್ತಗಿರಿ ಮಾಡಿ ಕಳುವಾಗಿದ್ದ ₹. 1,61,000 ರೂ ಮೌಲ್ಯದ 230 ಕಬ್ಬಿಣದ ಶೀಟ್ ಗಳು ಹಾಗೂ ಕಳ್ಳತನಕ್ಕೆ ಉಪಯೋಗಿಸಿದ 2 ಆಟೋ ರಿಕ್ಷಾಗಳನ್ನು ವಶಪಡಿಸಿಕೊಂಡಿರುತ್ತಾರೆ.

ಈ ಪ್ರಕರಣವನ್ನು ಮಡಿಕೇರಿ ನಗರ ವೃತ್ತ ನಿರೀಕ್ಷಕರಾದ ಅನೂಪ್ ಮಾದಪ್ಪ ರವರ ನೇತೃತ್ವದಲ್ಲಿ ಪಿ.ಎಸ್ಐ ಅಂತಿಮ ಎಂ.ಟಿ, ಎ.ಎಸ್.ಐ ಗೋವಿಂದರಾಜು, ಸಿಬ್ಬಂದಿಗಳಾದ ಕೆ.ಕೆ ದಿನೇಶ್, ಹೆಚ್.ಎಸ್. ಶ್ರೀನಿವಾಸ, ಪ್ರವೀಣ್, ನಾಗರಾಜ್ ಕಡಗನ್ನವರ್, ಅರುಣ್ ಕುಮಾರ್, ಸುನಿಲ್, ಧರ್ಮ, ಮನು, ದಿವ್ಯ, ಓಮನ, ಭವಾನಿ, ರಾಜೇಶ್, ಗಿರೀಶ್ ರವರು ಪತ್ತೆ ಮಾಡಿದ್ದು, ಪೊಲೀಸ್ ಅಧಿಕಾರಿ ಮತ್ತು ಸಿಬ್ಬಂದಿಯವರ ಕಾರ್ಯವನ್ನು ಶ್ಲಾಘಿಸಲಾಗಿದೆ.

ಅಕ್ರಮ ಮದ್ಯ ಮಾರಾಟ ಪ್ರಕರಣ

ದಿನಾಂಕ: 23-01-2021 ರಂದು ಸೋಮವಾರಪೇಟೆ ತಾಲ್ಲೂಕು ಚೇರಳ ಶ್ರೀಮಂಗಲ  ಗ್ರಾಮದ  ನಿವಾಸಿ  ಕಾಳಪ್ಪ ಎಂಬುವವರು ಅವರ ಅವರ ಹೊಟೇಲ್‍ ನ ಒಳಗೆ ಮದ್ಯವನ್ನು ಇಟ್ಟುಕೊಂಡು ಸಾರ್ವಜನಿಕರಿಗೆ ಮದ್ಯಸೇವನೆಗೆ ಅವಕಾಶ ಮಾಡುತ್ತಿದ್ದ ಪ್ರಕರಣವನ್ನು ಮಡಿಕೇರಿ ಗ್ರಾಮಾತರ ಠಾಣೆ ಪೊಲೀಸ್‍ ನಿರೀಕ್ಷಕರಾದ ಎಸ್.ಎಸ್‍. ರವಿಕಿರಣ್‍ ಮತ್ತು ಸಿಬ್ಬಂದಿಯವರು ಪತ್ತೆ ಮಾಡಿ ಪ್ರಕರಣ ದಾಖಲಿಸಿ ಕಾನೂನು ಕ್ರಮ ಜರುಗಿಸಿದ್ದಾರೆ.

ಅಕ್ರಮ ಜೂಜಾಟ ಪ್ರಕರಣ   

ದಿನಾಂಕ: 23-01-2021 ರಂದು ವಿರಾಜಪೇಟೆ ಪಟ್ಟಣದ ಕೆ.ಎಸ್‍.ಆರ್.ಟಿ.ಸಿ ಬಸ್‍ ನಿಲ್ದಾಣದ ಬಳಿ ಅಂತೋಣಿ, ಪ್ರಕಾಶ್‍, ಮಣಿ, ಮಣಿಕಂಠ ಎಂಬುವವರು ಮೊಬೈಲ್‍ ಪೋನಿನಲ್ಲಿ ಕೇರಳ ರಾಜ್ಯದ ಲಾಟರಿ ಫಲಿತಾಂಶ ಆದರಿಸಿ ಸಂಖ‍್ಯೆಗಳ ಮೇಲೆ ಹಣವನ್ನು ಪಣವಾಗಿರಿಸಿಕೊಂಡು ಅಕ್ರಮವಾಗಿ ಜೂಜಾಟವಾಡುತ್ತಿದ್ದ ಪ್ರಕರಣವನ್ನು ವಿರಾಜಪೇಟೆ ಪಟ್ಟಣ ಠಾಣೆ ಪಿಎಸ್‍ಐ ಹೆಚ್.ಎಸ್‍ ಬೋಜಪ್ಪ ಮತ್ತು ಸಿಬ್ಬಂದಿಯವರು ಪತ್ತೆ ಮಾಡಿ ಪ್ರಕರಣ ದಾಖಲಿಸಿ ಕಾನೂನು ಕ್ರಮ ಕೈಗೊಂಡಿದ್ದಾರೆ.

1 2 3 4 968