Crime News

ಆಸ್ತಿ ವಿಚಾರದಲ್ಲಿ ಕಿರುಕುಳ, ಮಹಿಳೆ ಆತ್ಮಹತ್ಯೆ:

ವಿರಾಜಪೇಟೆ ತಾಲೋಕು ಆರ್ಜಿಗ್ರಾಮದ  ನಿವಾಸಿ ಚೆಟ್ಟಿನೆರವನ ಚಂದ್ರಶೇಖರ್ ರವರ ತಂಗಿ ತಜುನಾ ಎಂಬವರ ಗಂಡ 2 ತಿಂಗಳ ಹಿಂದೆ ಸಾವನಪ್ಪಿದ್ದು, ನಂತರದ ದಿನಗಳಲ್ಲಿ ತನುಜರವರ ನಾದಿನಿಯವರಾದ ರಾಧ, ನಾಗವೇಣಿ, ನೀರಜಾಕ್ಷಿ, ಯಶೋಧ, ಜಲಜಾಕ್ಷಿ, ಹೇಮಾವತಿ ಮತ್ತು ಅವರ ಗಂಡಂದಿಯರು ಸೇರಿಕೊಂಡು  ಆಸ್ತಿಗಾಗಿ  ಮಾನಸಿಕ ಹಿಂಸೆ ನೀಡುತ್ತಿದ್ದು ಅಲ್ಲದೆ ಗಂಡನ ಆಸ್ತಿಯನ್ನು ಅವರ ಹೆಸರಿಗೆ ಮಾಡಿಸಲು ತಕರಾನ್ನು ಸಲ್ಲಿಸಿ ಕಿರುಕುಳ ನೀಡುತ್ತಿದ್ದುದರಿಂದ ತನುಜರವರು ದಿನಾಂಕ  19-3-2019 ರಂದು ರಾತ್ರಿ ಕುತ್ತಿಗೆಗೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದು ಈ ಸಂಬಂಧ ಮೃತರ ಸಹೋದರ ಚೆಟ್ಟಿನೆರವಮ ಚಂದ್ರ ಶೇಖರ ರವರು ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

ಪಾದಚಾರಿ ಮಹಿಳೆಗೆ ಕಾರು ಡಿಕ್ಕಿ:

ಮೂರ್ನಾಡು ನಗರದ ಸುಭಾಷ್ ನಗರದಲ್ಲಿ ವಾಸವಾಗಿರುವ ಲಿಖಿತ ಕುಮಾರಿ ಎಂಬವರು ದಿನಾಂಕ 19-3-2019ರಂದು ಮುರ್ನಾಡು ನಗರದ ಸುಭಾಷ್ ನಗರದ ಸಾರ್ವಜನಿಕ ರಸ್ತೆಯಲ್ಲಿ ನಡೆದುಕೊಂಡು ಹೋಗುತ್ತಿದ್ದಾಗ ಆಲ್ಟೋ ಕಾರೊಂದು ಡಿಕ್ಕಿಯಾಗಿ ಗಾಯಗೊಂಡಿದ್ದು ಈ ಸಂಬಂಧ ಮಡಿಕೇರಿ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

ಅಕ್ರಮ ಗಾಂಜಾ ಸೇವನೆ:

ದಿನಾಂಕ 20-3-2019 ರಂದು ವಿರಾಜಪೇಟೆ ನಗರದ ಮೊಗರಗಲ್ಲಿ ಮಸೀದಿ ಬಳಿ ಇಬ್ಬರು ವ್ಯಕ್ತಿಗಳು ಅಕ್ರಮವಾಗಿ ಗಾಂಜಾ ಸೇವನೆ ಮಾಡುತ್ತಿದ್ದುದನ್ನು ವಿರಾಜಪೇಟೆ ನಗರ ಠಾಣಾ ಪಿ.ಎಸ್.ಐ. ಸಂತೋಷ್ ಕಶ್ಯಪ್ ರವರು ಪತ್ತೆ ಹಚ್ಚಿ ಅಕ್ರಮ ಗಾಂಜಾ ಸೇವನೆ ಮಾಡುತ್ತಿದ್ದ ಸುನಿಲ್ ಕುಮಾರ್ ಹಾಗು ಮನು ಎಂಬವರನ್ನು ಬಂಧಿಸಿ ವಿರಾಜಪೇಟೆ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಅಕ್ರಮ ಗಾಂಜಾ ಸೇವನೆ:

ದಿನಾಂಕ 20-3-2019 ರಂದು ವಿರಾಜಪೇಟೆ ಸಮೀಪದ 1ನೇ ಪೆರುಂಬಾಡಿ  ಮಸೀದಿ ಬಳಿ ಮೂವರು ವ್ಯಕ್ತಿಗಳು ಅಕ್ರಮವಾಗಿ ಗಾಂಜಾ ಸೇವನೆ ಮಾಡುತ್ತಿದ್ದುದನ್ನು ವಿರಾಜಪೇಟೆ ನಗರ ಠಾಣಾ ಪಿ.ಎಸ್.ಐ. ಸಂತೋಷ್ ಕಶ್ಯಪ್ ರವರು ಪತ್ತೆ ಹಚ್ಚಿ ಅಕ್ರಮ ಗಾಂಜಾ ಸೇವನೆ ಮಾಡುತ್ತಿದ್ದ ಮೆಲ್ವನ್, ಅಕ್ಷಯ್ ಮತ್ತು ದರ್ಶನ್ ಎಂಬವರನ್ನು ಬಂಧಿಸಿ ವಿರಾಜಪೇಟೆ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಕಾರು ಅಪಘಾತದಲ್ಲಿ ಮಹಿಳೆ ಸಾವು:

ಗೋಣಿಕೊಪ್ಪ ಠಾಣಾ ಸರಹದ್ದಿನ ಪಟೇಲ್ ನಗರದ ಕಾಪ್ಸ್ ಶಾಲೆಯ ಬಳಿ ಕಲ್ಯಾಣಿಮ್ಮ ಎಂಬವರು  ದನಗಳನ್ನು ಮೇಯಿಸಿಕೊಂಡು ಹೋಗುತ್ತಿರುವಾಗ್ಗೆ ಮಾರುತಿ 800 ಕಾರೊಂದು ಡಿಕ್ಕಿಯಾಗಿ ತೀವ್ರವಾಗಿ ಗಾಯಗೊಂಡು ಸದರಿಯವರನ್ನು ಆಸ್ಪತ್ರೆಗೆ ಸಾಗಿಸುವ ಸಂದರ್ಭದಲ್ಲಿ ಮೃತಪಟ್ಟಿದ್ದು, ಗೋಣಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

ಲಾರಿ ಅಪಘಾತ ವ್ಯಕ್ತಿಗೆ ಗಾಯ:

ದಿನಾಂಕ 20-3-2019 ರಂದು ಸೋಮವಾರಪೇಟೆ ಠಾಣಾ ಸರಹದ್ದಿನ ಹಾನಗಲ್ಲು ಗ್ರಾಮದಲ್ಲಿ  ಸಂತೋಷ ಎಂಬವರು ಟಿಪ್ಪರ್ ಲಾರಿಯಲ್ಲಿ ಚೆಲ್ಲಿಪುಡಿಯನ್ನು ತುಂಬಿಸಿಕೊಂಡು ಹೋಗುತ್ತಿದ್ದಾಗ ಲಾರಿಯು ಹಾನಗಲ್ಲು ಗ್ರಾಮದ ಚಂದನಮಕ್ಕಿ ಎಂಬಲ್ಲಿ ರಸ್ತೆ ಬದಿಯ ಮರವೊಂದಕ್ಕೆ ಡಿಕ್ಕಿಯಾದ ಪರಿಣಾಮ ಲಾರಿಯಲ್ಲಿ ಇದ್ದ ನೀಲಪ್ಪ ಎಂಬವರು ಗಾಯಗೊಂಡಿದ್ದು, ಸೋಮವಾರಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

1 2 3 4 5 342